Tarixi

Traktorlar va avtomobillar kafedrasi

 mudiri, dotsent v.b. 

Amanov Mansur Ochilovich

Теl.: (998 71) 237 2534

Email: m.amonov@tiiame.uz

 


Traktorlar va avtomobillar kafedrasi Toshkent irrigasiya va qishloq xo‘jaligini mexanizasiyalash muhandislari instituti tarkibida ish boshlagan dastlabki kafedralardan biri, kafedra 1934 yilda tashkil etilgan. Dastlabki yillarda kafedra tarkibida 4 ta o‘quv laboratoriyasi faoliyat ko‘rsatgan. Keyinchalik Traktor va avtomobillar kafedrasi negizida Ichki yonuv dvigatellari va Issiqlik texnikasi kafedralari tashkil etilgan. 2004 yilda Qishloq xo‘jaligini mexanizasiyalash fakulteti Toshkent davlat agrar universitetiga o‘tkazilgandan keyin kafedra a'zolari TDAUning Qishloq xo‘jalik mashinalari, foydalanish va ta'mirlash va Toshkent irrigasiya va meliorasiya institutining Gidromeliorasiya ishlarini mexanizasiyalash kafedralari tarkibiga qo‘shilgan. 2017 yil sentyabrdan Traktorlar va avtomobillar kafedrasi yangitdan qayta tashkil qilindi. Bugungi kunda kafedrada Traktor va avtomobillar, Ichki yonuv dvigatellari, Issiqlik texnikasi va qishloq xo‘jaligida issiqlikdan foydalanish, Termodinamika va issiqlik uzatish asoslari, Yonilg‘i moylash materiallari, Yo‘l harakati qoidalari va xavfsizlik asoslari kabi fanlar bo‘yicha dars mashg‘ulotlari olib boriladi. Turli muddatlarda Ichki yonuv dvigatellari, Issiqlik texnikasi kafedralariga D.X.Xakimov, A.I.Kyeldiev, X.M.Babaev, G.G.Umarov, Traktor va avtomobillar kafedrasiga A.N.Ninov, V.P.Bogdankin, N.V.Sablikov,P.A.Abduraxmonov, A.A.Karimov, X.X.Xayrullaev, A.I.Kamilov, O.U.Salimov, I.M.Marupov, Z.S.Iskandarovlar raxbarlik qilganlar, hozirgi kunda kafedraga M.O.Amonov raxbarlik qilmoqda.

Bugungi kunda kafedrada professor G.G.Umarov, professor v.b. Imomov Sh.J., dotsentlar A.I.Kamilov, I.M.Marupov, N.T.Umirov, I.R.Nuritov, U.T.Kuziyev, N.A.Xoliqova, katta oʻqituvchilar B.K.Tulaganov, Sh.X.Abduraxmonov, K.E.Usmanov assistentlar E.M.Gʻaniboyeva, R.F.Xudoykulov, A.A,Bozorboyevlar faoliyat koʻrsatishmoqda.

KafedraningIchki yonuv dvigatellari, Traktor va avtomobillar shassisi tuzilishi va ishlashini, Yo‘l harakati qoidalari va xavfsizlik asoslarini o‘rgatish uchun jihozlangan o‘quv-amaliy mashg‘ulot xonalari institutning V binosida joylashgan.Traktor va avtomobillar, Avtotraktor dvigatellariva yonilg‘i nasoslarini sinash, Issiqlik texnikasi va Yonilg‘i moylash matyeriallari laboratoriyalari E binoda joylashtirilgan. Laboratoriyada traktorni tortish sinovi uchun jihozlanganT-16M traktori, dvigatel sinovini o‘tkazish uchun jixozlangan D-21, 4VT-3.9 dvigatyellari  mavjud. Shuningdyek bu yerda xarakatlanuvchi maketlar va qirqimli modellar ham mavjud.

Institut o‘quv tajriba xo‘jaligidagi talablar darajasida jixozlangan o‘quv poligonda talabalarga traktorlar va qishloq xo‘jaligi mashinalarini boshqarish bo‘yicha o‘quv amaliyoti o‘tkaziladi.Amaliyot davrida TS-130, MTZ-80X, TTZ-80.11traktorlaridan foydalaniladi.